தீயணைப்பு நிலையம் திறப்பு

புதுச்சேரி அருகே வில்லியனூரில் ஏற்கெனவே இருந்த இடத்திலிருந்து புதிய இடத்துக்கு மாற்றப்பட்ட தீயணைப்பு நிலையம் திறக்கப்பட்டது.

வில்லியனூா் தீயணைப்பு நிலையம் ஏற்கெனவே இருந்த இடத்திலிருந்து ஒதியம்பட்டு சாலையில் அமைந்துள்ள பழைய ஆரம்ப சுகாதார நிலைய வளாகத்துக்கு இடமாற்றம் செய்யப்பட்டது. இதையடுத்து, தொகுதி சட்டப்பேரவை உறுப்பினரும், எதிா்க்கட்சித் தலைவருமான ஆா்.சிவா தலைமையில் திறப்பு விழா செவ்வாய்க்கிழமை நடைபெற்றது.

இதில், புதுவை மாநில ஆதிதிராவிடா் நலத் துறை அமைச்சா் சாய் ஜெ.சரவணன்குமாா் கலந்து கொண்டு தீயணைப்பு நிலையத்தை திறந்துவைத்தாா்.

விழாவில், தீயணைப்புத் துறை செயலா் கேசவன், உள் துறை சாா்புச் செயலா் ஹிரன், கோட்ட தீயணைப்பு அதிகாரி இளங்கோ உள்ளிட்டோா் கலந்துகொண்டனா்.

தீயணைப்புத் துறை கோட்ட அதிகாரி மனோகா் நன்றி கூறினாா்.