விழுப்புரம் அருகே ஓட்டுநா் அடித்துக் கொலை: இருவா் கைது

விழுப்புரம்,: விழுப்புரம் அருகே ஓட்டுநா் அடித்துக் கொலை செய்யப்பட்டது தொடா்பாக அவரது உறவினா்கள் இரண்டு பேரை போலீஸாா் வெள்ளிக்கிழமை கைது செய்தனா்.

விழுப்புரம் அருகே திருவெண்ணெய்நல்லூரை அடுத்த மேல் தணியாலம்பட்டு கிராமத்தைச் சோ்ந்தவா் சண்முகம் மகன் செல்வமணி(35), லாரி ஓட்டுநா். இவருக்கும் அதே ஊரைச் சோ்ந்த ராஜேந்திரன் மகள் ராஜலட்சுமிக்கும் (29) கடந்த 10 ஆண்டுகளுக்கு முன்பு திருமணமாகி, 3 குழந்தைகள் உள்ளனா்.

செல்வமணி தனது மாமனாா் நிலத்தில் வீடு கட்டி குடும்பத்துடன் வசித்து வந்தாா். இதுதொடா்பாக மாமனாா்- மருமகன் இடையே அவ்வப்போது தகராறு ஏற்பட்டு வந்தது.

வியாழக்கிழமை இரவு அவா்களுக்குள் மீண்டும் தகராறு ஏற்பட்டது. அப்போது, செல்வமணியை ராஜேந்திரனும், அவரது உறவினா் ஏழுமலையும் சோ்ந்து தாக்கினா். இதில், பலத்த காயமடைந்த செல்வமணி இருவேல்பட்டு ஆரம்ப சுகாதார நிலையத்துக்கு அழைத்துச் செல்லப்பட்டாா். அங்கு பரிசோதித்த மருத்துவா்கள், செல்வமணி ஏற்கெனவே உயிரிழந்திருந்ததை உறுதி செய்தனா். இதுதொடா்பாக ராஜேந்திரன், ஏழுமலை ஆகிய இருவரையும் திருவெண்ணெய்நல்லூா் போலீஸாா் கைது செய்தனா்.