விவசாயியின் ஏ.டி.எம். அட்டையைத் திருடி ரூ.5.65 லட்சம் மோசடி: திருச்சி பெண் கைது

விவசாயியின் வங்கி ஏடிஎம் அட்டையைத் திருடி ரூ.5.65 லட்சத்தை நூதன முறையில் மோசடி செய்த திருச்சியைச் சோ்ந்த பெண்ணை விழுப்புரம் மாவட்ட குற்றப் பிரிவு போலீஸாா் சனிக்கிழமை கைது செய்தனா்.

விழுப்புரம் மாவட்டம், அதனூா் அருகேயுள்ள ஆசாரம்குப்பத்தைச் சோ்ந்தவா் இ.வடமலை (65), விவசாயி. இவா், விழுப்புரம் நகரில் உள்ள தேசியமயமாக்கப்பட்ட வங்கி (விவசாய வங்கி) கிளையில் கணக்கு வைத்திருக்கும் இவா், பண இருப்புத் தொகையை அறிவதற்காக, அந்த வங்கி அருகே உள்ள ஏடிஎம் மையம் முன் நின்றுகொண்டிருந்தாா்.

ஏடிஎம் இயந்திரத்தை தனக்கு இயக்க தெரியாததால், அருகில் நின்றுகொண்டிருந்த ஒரு பெண்ணிடம் தனது ஏடிஎம் அட்டையைக் கொடுத்து ரகசிய எண்ணையும் தெரிவித்து தனது கணக்கில் உள்ள இருப்புத் தொகையை பாா்த்துச் சொல்லும்படி கூறினாா். வங்கிக் கணக்கின் இருப்புத்தொகையை தெரிவித்த அந்த பெண், ஏழுமலையின் ஏடிஎம் அட்டைக்கு பதில் வேறொரு அட்டையைக் கொடுத்துச் சென்றாா்.

இந்த சம்பவம் கடந்த மாா்ச் 9 ஆம் தேதி நடைபெற்றது. அடுத்த 10 நாள்களில் அந்த ஏடிஎம் அட்டை ரகசிய எண்ணை பயன்படுத்தி, அந்த பெண் வடமலையின் வங்கிக்கணக்கில் இருந்து ரூ.5.65 லட்சம் பணத்தை மோசடியாக எடுத்துள்ளாா். இதுகுறித்து வடமலை கொடுத்த புகாரின் பேரில் விழுப்புரம் மாவட்டக் குற்றப் பிரிவு போலீஸாா் வழக்குப்பதிவு செய்தனா்.

துணை கண்காணிப்பாளா்கள் இருதயராஜ், ரவீந்திரன் ஆகியோா் தலைமையில் உதவி ஆய்வாளா் ஞானசேகா் மற்றும் காவலா்கள் கொண்ட தனிப்படையினா், அந்த ஏடிஎம் மையத்தின் சிசிடிவி கேமரா காட்சிப் பதிவுகள் உதவியுடன் அந்த பெண்ணை அடையாளம் கண்டு விசாரணை நடத்தினா். அதில், அந்தப் பெண் திருச்சி மாவட்டம் மணச்சநல்லூா் அருகே கூத்தூா் குடித் தெருவைச் சோ்ந்த ராமா் மனைவி சீத்தாலட்சுமி (42) என்பது தெரியவந்தது.

இதனிடையே, விழுப்புரம் புதிய பேருந்து நிலையம் அருகேயுள்ள தனியாா் வங்கி ஏடிஎம் மையம் முன் சனிக்கிழமை நின்றுகொண்டிருந்த சீத்தாலட்சுமியை தனிப்படை போலீஸாா் கைது செய்து விசாரணை நடத்தினா். அதில், வடமலையின் வங்கிக்கணக்கில் இருந்த பணத்தை மோசடி செய்ததை அவா் ஒப்புக்கொண்டாா். அந்தப் பணத்தில் வாங்கி வைத்திருந்த 31.75 கிராம் தங்க அட்டிகை, 15.80 கிராம் தங்கச் சங்கிலி, 10 கிராம் தங்கச் சங்கிலி, 12 கிராம் கைச் சங்கிலி, 20 கிராம் தங்கச் சங்கிலி என 108.45 கிராம் (13.55 பவுன்) மொத்த மதிப்பு ரூ.5 லட்சத்து 2 ஆயிரம் மதிப்பிலான நகைகள், ரூ.50 ஆயிரம் மதிப்பிலான இரு சக்கர வாகனம் ஆகியவற்றை பறிமுதல் செய்தனா்.

இதையடுத்து விழுப்புரம் குற்றவியல் நீதிமன்றத்தில் (எண்-1) சீத்தாலட்சுமியை போலீஸாா் ஆஜா்படுத்தி கடலூா் மத்திய சிறையில் ஒப்படைத்தனா். சீத்தாலட்சுமி மீது மதுரை காரியாப்பட்டி, மேலூா், திருச்சி திலகா் திடல், புதுக்கோட்டை ஆலங்குடி, தஞ்சாவூா், உளுந்தூா்பேட்டை காவல் நிலையங்களில் இதேபோன்ற மோசடி தொடா்பான 10 வழக்குகள் நிலுவையில் இருப்பது தெரியவந்தது.

பொதுமக்கள் தங்களது ஏடிஎம் அட்டையின் ரகசிய எண், வங்கிக்கணக்கு எண் உள்ளிட்ட விவரங்களை அடையாளம் தெரியாத நபா்களிடம் கொடுத்து ஏமாறக்கூடாது என்று காவல்துறையினா் அறிவுறுத்தியுள்ளனா்.