மின்னணு பயிா் சாகுபடி கணக்கெடுப்புப் பணி தொடக்கம்

விழுப்புரம்: விழுப்புரம் மாவட்டத்தின் 13 ஒன்றியங்களிலும் மின்னணு பயிா் சாகுபடி கணக்கெடுப்புப் பணி திங்கள்கிழமை தொடங்கியது.

வருவாய்த் துறையின் தமிழ் நிலம் என்ற மின்சேவை நிலப்பதிவு செயலி வாயிலாக தொடங்கிய இந்தப் பணியில் வேளாண், தோட்டக்கலை, வேளாண் பொறியியல், வேளாண் விற்பனை, வணிகம் ஆகிய வேளாண் துறையுடன் தொடா்புடைய துறைகளின் பணியாளா்கள் விவசாயிகளின் நிலங்களுக்குச் சென்று கணக்கெடுக்கும் பணியைத் தொடங்கினா்.

கோலியனூா் ஒன்றியத்துக்குள்பட்ட பானாம்பட்டு ஊராட்சியில் மின்னணு முறையில் பயிா் சாகுபடி கணக்கெடுக்கும் பணியை மாவட்ட ஆட்சியா் சி.பழனி திங்கள்கிழமை நேரில் பாா்வையிட்டு, அலுவலா்களிடம் விவரங்களைக் கேட்டறிந்தாா்.

விழுப்புரம் மாவட்டத்தில் கோலியனூா், காணை, திருவெண்ணெய்நல்லூா், வானூா், மரக்காணம், ஒலக்கூா், மேல்மலையனூா், செஞ்சி, வல்லம், கண்டமங்கலம், மயிலம், முகையூா், விக்கிரவாண்டி ஆகிய 13 ஊராட்சி ஒன்றியங்களிலுள்ள 688 கிராம ஊராட்சிகளிலும் மின்னணு பயிா் சாகுபடி கணக்கெடுப்புப் பணியைத் தொடங்கப்பட்டது.

வேளாண் மற்றும் அதைச் சாா்ந்துள்ள துறைகளின்பணியாளா்கள் மூலம் தற்போது கணக்கெடுப்புப் பணி நடைபெற்று வரும் நிலையில், செவ்வாய்க்கிழமை முதல் வேளாண் கல்லூரி மாணவா்கள் 78 போ் இந்தப் பணியில் ஈடுபடுத்தப்படவுள்ளனா். வருகிற 22-ஆம் தேதிக்குள் கணக்கெடுப்புப் பணியை முடிக்க அறிவுறுத்தப்பட்டுள்ளதாக மாவட்ட வேளாண் இணை இயக்குநா் இரா. சீனிவாசன் தெரிவித்தாா்.

ஆய்வின் போது கோலியனூா் வட்டார உதவி இயக்குநா்கள் பிரேமலதா (வேளாண்), வெங்கடேசன் (தோட்டக்கலை), விழுப்புரம் வட்டாட்சியா் கனிமொழி உள்ளிட்ட அலுவலா்கள் உடனிருந்தனா்.