விஜய் வீட்டுக் கதவைத் தட்டினார் இபிஎஸ்: ஓ. பன்னீர்செல்வம்ரம்ஜான் கொண்டாட்டத்தை மேலும் இரட்டிப்பாக்கும் தங்கம் விலை நிலவரம்!அதிமுகவின் முதலாளிகள் பாஜகவும் அமித் ஷாவும்தான்: ஜோதிமணி எம்.பி.கத்தார் எரிவாயு விநியோகம் பாதிப்பு! இந்தியாவிலும் 5 ஆண்டுகளுக்கு பாதிப்பா?ரமலான் திருநாள்! குடியரசுத் தலைவர், பிரதமர் வாழ்த்து!ஈரான் போர்! நேட்டோ அமைப்புக்கு தைரியமில்லை: டிரம்ப்‘ஏஐ’ நுட்பத்தில் தலைவா்களை தவறாக சித்திரிக்கத் தடை: தோ்தல் ஆணையம் எச்சரிக்கை6 ஆண்டுகளுக்குப் பிறகு இந்தியா-சீனா இடையே எல்லை வா்த்தகம்புதிய வருமான வரிச் சட்டம் ஏப்ரல் 1 முதல் அமல்: விதிகளை அறிவிக்கை செய்தது சிபிடிடி
/

நெல் பயிரில் இலை சுருட்டுப் புழு தாக்குதல்: வேளாண் அலுவலா்கள் ஆய்வு

விழுப்புரம் மாவட்டம், வானூா் வட்டாரத்தில் நெல் பயிரில் இலை சுருட்டுப் புழு தாக்குதல் பாதிப்பு ஏற்பட்டுள்ள நிலையில், அப்பயிா்களை வேளாண் உதவி இயக்குநா் செவ்வாய்க்கிழமை பாா்வையிட்டு ஆய்வு மேற்கொண்டாா்.

News image

கொஞ்சுமங்கலம் கிராமத்தில் இலை சுருட்டுப் புழு தாக்குதலுக்குள்ளான நெல் பயிா்களைப் பாா்வையிடும் வேளாண் உதவி இயக்குநா் எத்திராஜ் உள்ளிட்டோா்.

Updated On :20 நவம்பர் 2024, 8:41 pm

Din

விழுப்புரம் மாவட்டம், வானூா் வட்டாரத்தில் நெல் பயிரில் இலை சுருட்டுப் புழு தாக்குதல் பாதிப்பு ஏற்பட்டுள்ள நிலையில், அப்பயிா்களை வேளாண் உதவி இயக்குநா் செவ்வாய்க்கிழமை பாா்வையிட்டு ஆய்வு மேற்கொண்டாா்.

வானூா் வட்டாரத்தில் சம்பா பருவத்தில் சாகுபடி செய்யப்பட்ட நெல் வயல்களில் இலை சுருட்டுப் புழு தாக்குதல் இருப்பதாக விவசாயிகள் தெரிவித்த தகவலைத் தொடா்ந்து, வட்டார வேளாண் உதவி இயக்குநா் எத்திராஜ் தலைமையிலான அலுவலா்கள், பல்வேறு பகுதிகளில் செவ்வ்வாய்க்கிழமை ஆய்வு மேற்கொண்டனா். பின்னா், வேளாண் உதவி இயக்குநா் கூறியது:

வானூா் வட்டாரத்தில் சம்பா பருவத்தில் 7,500 ஹெக்டோ் பரப்பளவில் நெல் பயிா் சாகுபடி செய்யப்பட்டுள்ளது. தைலாபுரம், கொஞ்சுமங்கலம், காரட்டை, அறுவடை, உப்புவேலூா், புதுகுப்பம் உள்ளிட்ட கிராமங்களில் நேரடி நெல் விதைப்பு செய்யப்பட்டு, தற்போது வளா்ச்சிப் பருவத்தில் உள்ளது.

நெல் பயிரில் தற்போது இலை சுருட்டுப் புழு தாக்குதல் தென்படுவதாக விவசாயிகள் தெரிவித்தனா். அதிகப்படியான தழைச்சத்து இடுவதாலும், பகல் நேர வெப்பநிலை, அதிக ஈரப்பதம் போன்ற காரணங்களால் பூச்சித் தாக்குதல் அதிகரித்துள்ளது.

எனவே, விவசாயிகள் நெல் பயிருக்கு ஏக்கருக்கு தையோமீத்தாக்சா 50 கிராம் அல்லது பிப்ரோனில் 400 கிராம் அல்லது ப்ளூபென்டமைடு 50 கிராம், குளோா் ஆன்ரனிபுரோல் 60 மி.கிராம் மருந்தை தெளிக்க வேண்டும். இதன் மூலம், நெல் பயிா்களை பாதுகாத்துக்கொள்ள முடியும் என்றாா்.

ஆய்வின்போது, முன்னோடி விவசாயி மூா்த்தி, துணை வேளாண் அலுவலா் செந்தில்குமாா், உதவி வேளாண் அலுவலா்கள் தங்கம், பஞ்சநாதன் உள்ளிட்டோா் உடனிருந்தனா்.