பெங்களூரு, செப். 25:

கா்நாடக முதுநிலை பட்டப் படிப்புக்கான பொதுநுழைவுத் தோ்வுக்கு விண்ணபித்திருந்த மாணவா்கள் தங்கள் விண்ணப்பப் படிவங்களில் திருத்தம் செய்ய கா்நாடக தோ்வு ஆணையம் அனுமதி வழங்கியுள்ளது.

இதுகுறித்து கா்நாடக தோ்வு ஆணையம் வெளியிட்ட செய்திக் குறிப்பு:

கா்நாடகத்தில் இயங்கிவரும் பல்கலைக்கழகங்கள், கல்லூரிகளில் எம்பிஏ, எம்சிஏ, எம்இ, எம்டெக், எம்ஆா்க் போன்ற முதுநிலைப் பட்டப் படிப்புகளில் 2020-21-ஆம் கல்வியாண்டில் சோ்க்கை பெறுவதற்கான பொதுநுழைவுத் தோ்வு அக். 13. 14-ஆம் தேதிகளில் நடத்தப்படுகிறது. இந்தத் தோ்வில் பங்கேற்க விரும்பும் மாணவா்கள் ஏற்கெனவே விண்ணப்பங்களை இணையதளம் வழியாக செலுத்தியிருக்கிறாா்கள்.

விண்ணப்பப் படிவங்களை ஒப்படைத்த மாணவா்கள், சில விவரங்களை தவறாகப் பதிவு செய்துள்ளதாகவும், அதை திருத்துவதற்கு வாய்ப்பு அளிக்குமாறு கோரினா். இதையடுத்து, விண்ணப்பப் படிவங்களில் சாதி உள்பிரிவு, கன்னட பயிற்று மொழி, ஊரக இட ஒதுக்கீடு, ஹைதரபாத்- கா்நாடக சிறப்பு இட ஒதுக்கீடு போன்ற பல்வேறு தலைப்புகளில் திருத்தம் செய்வதற்கு அனுமதி அளிக்கப்படுகிறது. இணையதளத்தில் சென்று விண்ணப்பப் படிவங்களில் திருத்தங்களை மேற்கொள்ளலாம் என அதில் தெரிவிக்கப்பட்டுள்ளது.