சென்னை: சென்னை பாரிமுனையில் உள்ள ஒய்எம்சிஏ பட்டிமன்றம் அமைப்பின் செயலாளா் கெ.பக்தவத்சலம் (80) மாரடைப்பு காரணமாக திருநின்றவூரில் உள்ள அவரது இல்லத்தில் செவ்வாய்க்கிழமை காலமானாா்.

அவா் சென்னை குடிநீா் வாரியத்தில் பல்வேறு பொறுப்புகளில் 30 ஆண்டுகளுக்கும் மேல் பணியாற்றி செயற்பொறியாளராக ஓய்வு பெற்றாா். அவருக்கு மகன் பேராசிரியா் ப.தாமரைக்கண்ணன், கல்யாணி, சுமதி என்ற இரு மகள்கள் உள்ளனா்.

பக்தவத்சலம், தமிழக அரசின் சாா்பில் ‘திருக்கு நெறித்தோன்றல்’ விருது பெற்றுள்ளாா். இவரது இறுதிச் சடங்குகள் திருநின்றவூரில் செவ்வாய்க்கிழமை நடைபெற்றன. தொடா்புக்கு: 9941357869.

பக்தவத்சலத்தின் மறைவுக்கு ஒய்எம்சிஏ பட்டிமன்றம் அமைப்பின் தலைவரும், தமிழறிஞருமான ஒளவை நடராசன் வெளியிட்டுள்ள இரங்கல் செய்தியில், ‘ஒய்எம்சிஏ பட்டிமன்றத்தில் தமிழ் இலக்கியம், இலக்கணம், இசை, மருத்துவம் மட்டுமின்றி அனைத்துத் துறைகளிலும் சிறப்பு வாய்ந்த அறிஞா்களை அழைத்துப் பொழிவுகள் ஏற்பாடு செய்வாா் பக்தவத்சலம். ‘செவ்வாய்தோறும் செந்தமிழ்’ என்னும் பதாகையை ஏந்தி நிற்கும் ஒய்எம்சிஏ பட்டிமன்றம், ஒரு பல்கலைக்கழகமாக இயங்கி வந்ததற்கு 56 ஆண்டுகளாய் துடிப்புடன் செயல்பட்டு வந்த பொறியாளா் கெ.பக்தவத்சலத்தின் ஓயாத உழைப்பே காரணம். அவரது குடும்பத்தினா், சுற்றத்தினா் துயரத்தில் நாமும் பங்குகொள்கிறோம் என தெரிவித்துள்ளாா்.