சென்னை: சென்னையில் பாஜக தலைமை அலுவலகத்துக்கு திங்கள்கிழமை வருகை தந்த பாஜக தேசிய மகளிர் அணித் தலைவர் வானதி சீனிவாசனுக்கு சிறப்பான வரவேற்பு அளிக்கப்பட்டது.

பாஜக மகளிர் அணியின் தேசியத் தலைவராக பொறுப்பேற்ற பிறகு அவர் முதன் முறையாக சென்னை வந்தார். அலுவலகத்தில் உள்ள பாரதமாதா சிலைக்கு மாலை அணிவித்து மலர்தூவி மரியாதை செலுத்தினார். இதைத் தொடர்ந்து, அவர் செய்தியாளர்களுக்கு அளித்த பேட்டி:-

 கட்சித் தலைமை எனக்கு  மிகப்பெரிய பொறுப்பை வழங்கியுள்ளது. பாஜகவில் மகளிர் அணி முக்கியமானதாகப் பார்க்கப்படுகிறது. மகளிருக்கு 33 சதவீதத்தை வழங்கி அதனைப் பின்பற்றக் கூடிய ஒரே கட்சி பாஜகதான்.    ஜனநாயகத்தில் வாக்காளர்களாக இருக்கக் கூடிய பெண்களை, அரசியல் ரீதியாக பங்கெடுக்கச் செய்ய எனது செயல்பாடுகளை வகுத்துக் கொள்ள இருக்கிறேன் என்றார் அவர்.

பாஜக மகளிர் அணி தேசியத் தலைவராக பொறுப்பேற்ற பின்னர் திங்கள்கிழமை சென்னை திரும்பிய  பிறகு கட்சி அலுவலகமான கமலாலயத்தில்  உள்ள பாரத மாதா சிலைக்கு மலர்தூவி மரியாதை செய்தார் வானதி சீனிவாசன். உடன்  மகளிர் அணி நிர்வாகிகள், உறுப்பினர்கள்.