ஆம்பூா் அருகே தேசிய நெடுஞ்சாலை தடுப்பின் மீது லாரி மோதி விபத்தில் ஓட்டுநா் உயிரிழந்தாா்.

ஈரோடு மாவட்டம் திருச்செங்கோட்டிலிருந்து லாரி காஞ்சிபுரம் நோக்கி திங்கள்கிழமை இரவு ஒரு லாரி சென்று கொண்டிருந்தது. திருச்செங்கோட்டைச் சோ்ந்த பரமசிவம் (45) லாரியை ஓட்டிச் சென்றாா்.

ஆம்பூரை அடுத்த மின்னூா் கிராமம் அருகே தேசிய நெடுஞ்சாலையில் வந்தபோது ஓட்டுநரின் கட்டுப்பாட்டை இழந்த லாரி சாலையின் நடுவே உள்ள தடுப்பின் மீது மோதியது.

இந்த விபத்தில் ஓட்டுநா் பரம சிவம் உயிரிழந்தாா். ஆம்பூா் கிராமிய காவல் நிலைய போலீஸாா் சம்பவ இடத்திற்கு சென்று அவரது சடலத்தை மீட்டு பிரேத பரிசோதனைக்காக ஆம்பூா் அரசு மருத்துவமனையில் ஒப்படைத்தனா். இவ்விபத்து தொடா்பாக வழக்குப் பதிவு செய்து விசாரணை நடத்தினா்.