புழல் மத்திய சிறை வளாகத்தில் பெட்ரோல் நிலையம் அமைப்பதற்கான பூமி பூஜை வெள்ளிக்கிழமை நடைபெற்றது. 
புழல் சிறைக் கைதிகள் தண்டனைக் காலம் முடிந்து வெளியில் செல்லும்போது, அவர்களுக்கு வாழ்வாதாரம் ஏற்படுத்தும் வகையிலும், எம்.ஜி.ஆர். நூற்றாண்டு விழாவை முன்னிட்டு விடுவிக்கப்பட்ட கைதிகளுக்கு வேலை கொடுக்கும் நோக்கத்திலும் இந்தியன் ஆயில் கார்ப்பரேஷன் நிறுவனம் மூலமாக புழல் மத்திய சிறை வளாகத்தில் பெட்ரோல் நிலையம் அமைக்க முடிவு செய்யப்பட்டது. இதைத் தொடர்ந்து, இதற்கான பூமிபூஜை வெள்ளிக்கிழமை நடைபெற்றது. இதில், சிறைத்துறை தலைவர் அசுதோஷ் சுக்லா, சிறைத்துறை டி.ஐ.ஜி.க்கள் கனகராஜ், முருகேசன் மற்றும் இந்தியன் ஆயில் கார்ப்பரேஷன் அதிகாரிகள் உள்ளிட்டோர் கலந்து கொண்டனர்.