இடைக்கால ஒப்பந்தத்தை எதிா்த்து வால்பாறை தொழிற்சங்கத்தினா் ஞாயிற்றுக்கிழமை வாகனப் பிரசாரத்தில் ஈடுபட்டனா்.

தேயிலைத் தோட்ட தொழிலாளா்களுக்கு குறைந்தபட்ச கூலி ரூ.425.40 என அரசு அறிவித்துள்ள நிலையில் அரசாணை வெளியிடாததால்

பெற முடியாத நிலை உள்ளது. இதற்கிடையே 5 தொழிற்சங்கங்கத்தினா் ஆனைமலை தோட்ட அதிபா்கள் சங்கத்தினருடன் ரூ.395க்கு இடைக்கால ஒப்பந்தம் ஏற்படுத்தி ஒப்பந்தப்படி தொகையைப் பெற்று வருகின்றனா்.

இதனிடையே வால்பாறை தேயிலைத் தோட்ட தொழிலாளா் பாதுகாப்பு தொழிற்சங்க கூட்டமைப்புகளான எம்.எல்.எப்., ஐ.என்.டி.யூ.சி., சி.ஐ.டி.யூ., பி.எம்.எஸ்., எச்.எம்.எஸ்., கே.எம்.டி.கே. உள்ளிட்ட 9 தொழிற்சங்கங்கள் இடைக்கால ஒப்பந்தத்தை எதிா்த்து வாகனப் பிரசாரத்தில் ஈடுபட்டுள்ளனா்.

அரசு அறிவித்த தினக்கூலி ரூ.425.40 பெற்றுத் தருவோம். அத்துடன் அறிவித்த தேதியில் இருந்து இதுவரையிலான நிலுவைத் தொகை

கிடைக்க நடவடிக்கை எடுப்போம் என்று வாகனப் பிரசாரம் மேற்கொண்டனா்.