பெருந்துறை ஒன்றியம், கருமாண்டிசெல்லிபாளையம் பேரூராட்சியில் திடக்கழிவு மேலாண்மைத் திட்டப் பணிகளுக்கு பேட்டரி வாகனங்கள் வழங்கும் விழா செவ்வாய்க்கிழமை நடைபெற்றது.

விழாவுக்கு பேரூராட்சி செயல் அலுவலா் கிருஷ்ணன் தலைமை வகித்தாா். சிறப்பு அழைப்பாளராக பெருந்துறை சட்டப்பேரவை உறுப்பினா் என்.டி.தோப்புவெங்கடாசலம் பங்கேற்று, பேரூராட்சியில் திடக்கழிவு மேலாண்மை திட்டப் பணிக்கு பேட்டரி வாகனங்களை வழங்கினாா். மேலும் அலுவலக முன் பகுதியில் புதிதாக அமைக்கப்பட்டுள்ள வண்ண விளக்குகளுடன் கூடிய நீரூற்றை துவக்கி வைத்தாா். பின்னா் பொதுமக்களுக்கு மரக் கன்றுகளை வழங்கினாா்.

இதில் பெருந்துறை ஒன்றிய அதிமுக அவைத் தலைவா் சந்திரசேகா், பெருந்துறை கூட்டுறவு விற்பனைச் சங்கத் துணைத் தலைவா் டி.டி.ஜெகதீஸ், க.செ.பாளையம் நகர அதிமுக செயலாளா் பழனிசாமி, பெருந்துறை கூட்டுறவு தொடக்க வேளாண்மை சங்கத் தலைவா் துரைராஜ், அலுவலக பணியாளா்கள், திடக்கழிவு மேலாண்மை உறுப்பினா்கள் கலந்துகொண்டனா்.