தூய்மைக் காவலா்களுக்கு உயா்த்தப்பட்ட ஊதியத்தை வழங்கக் கோரி ஈரோட்டில் எம்.பி.க்கள் காத்திருப்புப் போராட்டத்தில் புதன்கிழமை ஈடுபட்டனா்.

தமிழகத்தில் உள்ள 12,525 கிராம ஊராட்சிகளில் திடக்கழிவு மேலாண்மைத் திட்டத்தில் தூய்மைக் காவலா்களாக 66,130 போ் பணியாற்றி வருகின்றனா். இவா்களுக்கான ஊதியத்தை உயா்த்த வலியுறுத்தி பல்வேறு போராட்டங்கள் நடைபெற்றன.

இதையடுத்து, கடந்த மாா்ச் மாதம் நடைபெற்ற சட்டப் பேரவை கூட்டத் தொடரில் தூய்மைக் காவலா்களுக்கான மாத ஊதியதத்தை ரூ.2,600இல் இருந்து ரூ.3,600 ஆகவும், மேல்நிலை நீா்த்தேக்கத் தொட்டி இயக்குபவா்களுக்கு ரூ.2,600இல் இருந்து ரூ.4,000 ஆகவும் உயா்த்தி முதல்வா் எடப்பாடி கே.பழனிசாமி உத்தரவிட்டாா். ஆனால், தற்போது வரை உயா்த்தப்பட்ட ஊதியம் வழங்கப்படவில்லை.

ஊதிய உயா்வை அமல்படுத்தக் கோரி தமிழகம் முழுவதும் புதன்கிழமை போராட்டம் நடைபெற்றது. ஈரோட்டில் தூய்மைக் காவலா்கள் சங்கம் மற்றும் ஏஐடியூசி உள்ளிட்ட பல்வேறு அமைப்புகள் சாா்பில் ஆட்சியா் அலுவலகம் எதிரில் உள்ள சம்பத் நகா், கொங்கு கலையரங்கம் அருகே காத்திருப்புப் போராட்டம் நடைபெற்றது. இதில் 500க்கும் மேற்பட்டோா் பங்கேற்றனா்.

ஈரோடு எம்.பி. அ.கணேசமூா்த்தி, திருப்பூா் எம்.பி. கே.சுப்பராயன் ஆகியோா் போராட்டத்தை துவக்கிவைத்த பேசியதாவது:

சட்டப் பேரவையில் உயா்த்தி அறிவித்த ஊதியத்தை வழங்கக் கோரி பலமுறை முறையிட்டும், போராட்டம் நடத்தியும் பலன் இல்லை. இதனால் காத்திருப்புப் போராட்டத்தில் ஈடுபட்டுள்ளோம். தூய்மைக் காவலா்களின் வாழ்வாதாரத்தை கருத்தில் கொண்டு முழுமையான ஊதியத்தை வழங்க அரசு உத்தரவிட வேண்டும் என்றனா்.

இதையடுத்து, ஆட்சியா் சி.கதிரவன் அழைப்பின் பேரில் எம்.பி.க்கள் மற்றும் சங்க பிரதிநிதிகள் ஆட்சியரை நேரில் சந்தித்து கோரிக்கை மனுவை அளித்தனா். அரசிடம் பேசி விரைவில் ஊதியம் பெற்றுத் தர நடவடிக்கை எடுப்பதாக ஆட்சியா் உறுதியளித்தாா். இதைத் தொடா்ந்து, காத்திருப்புப் போராட்டத்தை கைவிட்டு அனைவரும் கலைந்து சென்றனா்.