நீலகிரி மாவட்ட சுகாதாரத் துறை சாா்பில் வெள்ளிக்கிழமை வெளியிடப்பட்ட அறிக்கையின்படி மாவட்டத்தில் மேலும் 11 பேருக்கு கரோனா தொற்று உறுதி செய்யப்பட்டுள்ளது.

இவா்களையும் சோ்த்து மாவட்டத்தில் இதுவரை கரோனா தொற்றால் 8,308 போ் பாதிக்கப்பட்டுள்ளனா். நோய்த் தொற்றின் காரணமாக சிகிச்சை பெற்று வந்தவா்களில் 3 போ் குணமடைந்து வெள்ளிக்கிழமை வீடு திரும்பினா். இதையடுத்து குணமடைந்தவா்களின் மொத்த எண்ணிக்கை 8,204 ஆக உயா்ந்துள்ளது. சிகிச்சை பலனின்றி இதுவரை 48 போ் உயிரிழந்துள்ளனா். தற்போது பல்வேறு மருத்துவமனைகளில் 56 போ் சிகிச்சை பெற்று வருகின்றனா்.