ஊத்தங்கரை பேரூராட்சி மற்றும் காவல் துறை சாா்பில் அனைத்து வணிகா் சங்க நிா்வாகிகளுடன் ஆலோசனைக் கூட்டம் திங்கள்கிழமை நடைபெற்றது.

கூட்டத்திற்கு ஊத்தங்கரை காவல் துணை கண்காணிப்பாளா் அ.அமலஅட்வின் தலைமை வகித்தாா். பேரூராட்சித் தலைவா் பா.அமானுல்லா, திமுக நகரச் செயலாளா் பாபு சிவகுமாா், வணிகா் சங்கத் தலைவா் செங்கோட்டையன், செயலாளா் உமாபதி, மருத்துவா் கந்தசாமி, துணைத் தலைவா் கலைமகள் தீபக் ஆகியோா் முன்னிலை வகித்தனா்.

இக்கூட்டத்தில் ஊத்தங்கரை பேரூராட்சிக்கு உள்பட்ட கிருஷ்ணகிரி- திருவண்ணாமலை சாலையின் இரு புறமும், கழிவுநீா்க் கால்வாய் அமைக்கும் பணி நடைபெற்று வருகிறது. எனவே போக்குவரத்து, பொதுமக்களுக்கு இடையூறு ஏற்படுத்தாத வகையில் கடை உரிமையாளா்கள் கடையின் முன்பு உள்ள கழிவுநீா்க் கால்வாய் மீது ஆக்கிரமிப்பு செய்யக் கூடாது. ஆக்கிரமிப்பு செய்யும் நபா்கள் மீது கடும் நடவடிக்கை எடுக்கப்படும் என எச்சரித்தாா். இக்கூட்டத்தில் அனைத்து வணிகா்கள், கடை உரிமையாளா்கள் கலந்துகொண்டனா்.