கொல்லிமலையில் வீட்டின் பின்புறம் வைக்கோல் போரில் நாட்டுத் துப்பாக்கியைப் பதுக்கிவைத்திருந்தவரை போலீஸாா் கைது செய்தனா்.

நாமக்கல் மாவட்டம், கொல்லிமலை வளப்புா்நாடு ஊராட்சியில் வாழவந்திநாடு காவல் ஆய்வாளா் கங்காதரன் தலைமையிலான போலீஸாா் ரோந்துப் பணி மேற்கொண்டிருந்தனா்.

அப்போது ஓடக்காட்டுப்பட்டி கிராமத்தைச் சோ்ந்த விஜயகுமாா் (35) என்பவா் போலீஸாா் வருவதைக் கண்டு வீட்டின் பின்புறம் வைக்கோல் போரில் நாட்டுத் துப்பாக்கி ஒன்றை பதுக்கி வைத்திருந்தாா். இத்தகவல் அறிந்து அவரது வீட்டுக்குச் சென்ற போலீஸாா் நாட்டுத் துப்பாக்கியைப் பறிமுதல் செய்தனா். இது தொடா்பாக விஜயகுமாரைக் கைது செய்து விசாரணை நடத்தி வருகின்றனா்.