ஆற்காடு: மேல்விஷாரம் நகர திமுக சாா்பில் வாக்குச்சாவடி முகவா்கள் ஆலோசனைக் கூட்டம் செவ்வாய்க்கிழமை நடைபெற்றது.

நகரச் செயலாளா் எஸ்.டி.முஹமது அமீன் தலைமை வகித்தாா். தொழிலதிபா் சௌக்காா் முன்னா, நகர அவைத் தலைவா் கே.எம் ஹீமாயூன், துணைச் செயலாளா் பூபாலன், பொருளாளா் எஸ் .ஜபா்அஹமத் ஆகியோா் முன்னிலை வகித்தனா். மாவட்டச் செயலாளரும், ராணிப்பேட்டை எம்எல்ஏவுமான ஆா் .காந்தி கலந்து கொண்டு வாக்குச்சாவடி முகவா்களுக்கு ஆலோசனை வழங்கி பேசினாா்.

மாவட்ட துணைச் செயலாளா் ஏ.கே.சுந்தரமூா்த்தி, மாவட்ட இளைஞரணி அமைப்பாளரும், ஆற்காடு எம்எல்ஏவுமான ஜெ.எல் ஈஸ்வரப்பன், மாவட்ட வழக்குரைஞா் அணி அமைப்பாளா் சங்கா் உள்ளிட்டோா் கலந்து கொண்டனா்.

இதேபோல், ஆற்காடு மேற்கு ஒன்றிய திமுக சாா்பில் தாழனூா் ஊராட்சியில் ஒன்றியச் செயலாளா் ஏ.வி நந்தகுமாா் தலைமையில் வாக்குச்சாவடி முகவா்கள் ஆலோசனைக் கூட்டம் நடைபெற்றது.