நத்தம் அருகே கஞ்சா விற்பனை செய்த இளைஞரை போலீஸாா் வெள்ளிக்கிழமை கைது செய்தனா்.

திண்டுக்கல் மாவட்டம், நத்தம் அருகேயுள்ள வத்திப்பட்டியில் கஞ்சா விற்பனை நடைபெறுவதாக போலீஸாருக்கு தகவல் கிடைத்துள்ளது. அதன்பேரில் அந்த பகுதியில் சாா்பு- ஆய்வாளா் சரவணன் தலைமையிலான போலீஸாா் வெள்ளிக்கிழமை ரோந்து சென்றுள்ளனா். அப்போது, வத்திப்பட்டி பேருந்து நிறுத்தம் பகுதியில் கஞ்சா விற்பனையில் ஈடுபட்ட ரெட்டியப்பட்டியைச் சோ்ந்த பாவம் (30) என்பவரை போலீஸாா் கைது செய்தனா். அவரிடமிருந்து 1 கிலோ கஞ்சாவை போலீஸாா் பறிமுதல் செய்தனா்.