சிவகங்கை மாவட்டம் மானாமதுரை பிரத்யங்கிரா தேவி கோயிலுக்கு மதுரையிலிருந்து ஏராளமான பக்தா்கள் புதன்கிழமை (பிப்.24) பாதயாத்திரை புறப்படுகின்றனா்.

மானாமதுரை வேதியரேந்தல் விலக்குப் பகுதியில் மகா பஞ்சமுக பிரத்யங்கிரா தேவி கோயில் உள்ளது. ஒவ்வொரு ஆண்டும் மாசி மாதம் மதுரையிலிருந்து திரளான பக்தா்கள் பாதயாத்திரையாக இந்தக் கோயிலுக்கு வருவது வழக்கம். அதன்படி இந்தாண்டு புதன்கிழமை (பிப்.24) மதுரை மீனாட்சியம்மன் கோயிலிலிருந்து திரளான பக்தா்கள் மானாமதுரை பிரத்யங்கிரா தேவி கோயிலுக்கு பாதயாத்திரை புறப்படுகின்றனா். வழிநெடுகிலும் பக்தா்கள் தங்குவதற்கும், அன்னதானத்துக்கும் ஏற்பாடுகள் செய்யப்பட்டுள்ளன. இந்த பக்தா்கள் பிப்.26 ஆம் தேதி (வெள்ளிக்கிழமை) கோயிலை வந்தடைகின்றனா். அன்று இரவு கோயிலில் திருவிளக்குப்பூஜை நடைபெறுகிறது. இதற்கான ஏற்பாடுகளை கோயில் நிா்வாகி ஞானசேகரன் சுவாமிகள் செய்துள்ளாா்.