சிவகாசியில் மாா்ச் 22 ஆம் தேதி, காய்கனிகடை, மளிகைக்கடை உள்ளிட்ட அனைத்துக் கடைகளும் அடைக்கப்படும் என வா்த்தகா்கள் சங்கத் தலைவா் ஜெ.பி. பன்னீா் செல்வம் தெரிவித்துள்ளாா்.

இது குறித்து அவா் வெள்ளிக்கிழமை வெளியிட்டுள்ள அறிக்கை: உலக அளவில் கரோனா வைரஸ் பரவி வருவதோடு , பலா் அந்த நோய்க்கு பலியாகி வருகிறாா்கள். எனவே மக்கள் அதிகமாக கூடுவதைத் தவிா்க்க வேண்டும் என அறிவுறுத்தப்பட்டு வருகிறது.

இந்நிலையில் பிரதமா் நரேந்திர மோடி, மாா்ச் 22 ஆம் தேதி, யாரும் வீட்டைவிட்டு வெளியேற வேண்டாம் என அறிவுறுத்தியுள்ளாா். எனவே சிவகாசியில் பொதுமக்கள் நலன் கருதி , காய்கனிக்கடை மற்றும் மளிகைக்கடை உள்ளிட்ட அனைத்துக் கடைகளும் மாா்ச் 22 ஆம் தேதி மூடப்படும். இதற்கு பொதுமக்கள் ஒத்துழைப்பு அளிக்குமாறு கேட்டுக் கொள்கிறோம் என குறிப்பிட்டுள்ளாா்.