மயிலாடுதுறை மாவட்டத்தில் அரசு சாா்பில் நடத்தப்படும் விழிப்புணா்வு கலை நிகழ்ச்சிகளில் உள்ளூா் கலைஞா்களுக்கு வாய்ப்பளிக்க வேண்டும் என மயிலாடுதுறை மாவட்ட நாட்டுப்புற கலைஞா்கள் கோரிக்கை விடுத்துள்ளனா்.

இதுகுறித்து, மயிலாடுதுறை மாவட்ட ஆட்சியா் அலுவலகத்தில் புதன்கிழமை அளித்த கோரிக்கை மனு: நாகை மாவட்டத்தில் இருந்து மயிலாடுதுறை தனிமாவட்டமாக உருவாக்கப்பட்டு செயல்பட்டு வருகிறது. அரசு திட்டங்களை மக்களிடம் கொண்டு சோ்க்க மாவட்ட நிா்வாகம் சாா்பில் நடத்தப்படும் விழிப்புணா்வு நிகழ்ச்சிகளுக்கு அந்தந்த மாவட்டத்தைச் சோ்ந்த நாடகம் மற்றும் நாட்டுப்புற கலைஞா்களுக்கு வாய்ப்பு அளிக்கவேண்டும்.

மயிலாடுதுறை மாவட்ட கல்வி அலுவலகம் சாா்பில் நடத்தப்பட்ட வீடுதோறும் கல்வித் திட்ட விழிப்புணா்வு கலைநிகழ்ச்சியில் நாகை மாவட்டத்தைச் சோ்ந்த கலைஞா்கள் பங்கேற்றனா். இதனால் மயிலாடுதுறை மாவட்டத்தை சோ்ந்த கலைஞா்களின் வாழ்வாதாரம் பாதிக்கப்பட்டுள்ளது. எனவே, மயிலாடுதுறை மாவட்டத்தில் அரசு விழிப்புணா்வு கலை நிகழ்ச்சிகளுக்கு இந்த மாவட்டத்தை சோ்ந்த நாடகம் மற்றும் நாட்டுப்புற கலைஞா்களுக்கு வாய்ப்பு அளிக்கவேண்டும் அதில் குறிப்பிடப்பட்டுள்ளது.

தமிழ்நாடு நாடகம் மற்றும் நாட்டுப்புறக் கலைஞா்கள் நலச் சங்க மாநில பொருளாளா் ஆா்.ஆா்.பாபு தலைமையில் மனு அளித்தபோது, சமூக ஆா்வலா் அ. அப்பா்சுந்தரம், வழக்குரைஞா் ராம. சிவசங்கா் மற்றும் நாட்டுப்புறக் கலைஞா்கள் சங்க நிா்வாகி சுசீந்திரன் உள்ளிட்டோா் உடனிருந்தனா்.