மயிலாடுதுறையில் சிறு விற்பனைத் தொழிலாளர் சங்கத்தினர்( சிஐடியூ சார்பு)பல்வேறு கோரிக்கைகளை வலியுறுத்தி, சனிக்கிழமை ஆர்ப்பாட்டத்தில் ஈடுபட்டனர்.
மயிலாடுதுறை தாற்காலிகப் பேருந்து நிலையத்தில் நடைபெற்ற ஆர்ப்பாட்டத்துக்கு சங்க மாவட்டத் தலைவர் தாஸ் தலைமை வகித்தார். மாவட்டச் செயலாளர் டி. துரைக்கண்ணு, பொருளாளர் டி. கண்ணன் ஆகியோர் முன்னிலை வகித்தனர்.
நகராட்சி மற்றும் பேரூராட்சி பகுதிகளில் சாலையோரங்களில் சிறு விற்பனை செய்யும் தொழிலாளர்களுக்கு உறுப்பினர் அட்டை வழங்கவேண்டும். சிறு விற்பனைத் தொழிலாளர்களுக்கு உரிய பாதுகாப்பு வழங்கவேண்டும் உள்ளிட்ட கோரிக்கைகள் வலியுறுத்தப்பட்டன.
சிஐடியூ தொழிற்சங்க மாவட்டச் செயலாளர் சீனி.மணி, மாவட்டத் தலைவர் ஜீவா, தொழிற்சங்கக் கூட்டு நடவடிக்கைக் குழுவைச் சேர்ந்த த. ராயர் ஆகியோர் பங்கேற்றுப் பேசினர்.
ஆர்ப்பாட்டத்தில் ஜி.எஸ். டி.யை கண்டித்தும் முழக்கமிடப்பட்டன.