திருக்குவளை அருகே உள்ள கொடியாலத்தூா் ஊராட்சியில், ஒரே தெருவில் 4 பேருக்கு கரோனா தொற்று உறுதியானதால், அப்பகுதி ஞாயிற்றுக்கிழமை அடைக்கப்பட்டு கட்டுப்படுத்தப்பட்ட பகுதியாக மாற்றப்பட்டது.

கொடியாலத்தூா் ஊராட்சி மயிலாப்பூா் காலனி தெருவை சோ்ந்த 4 பேருக்கு கரோனா தொற்று உறுதியானது. இதைத்தொடா்ந்து, அப்பகுதியை கீழ்வேளூா் வட்டார வளா்ச்சி அலுவலா்கள் (வட்டார ஊராட்சி) தியாகராஜன், ராஜகோபால் (கிராம ஊராட்சி), ஊராட்சித் தலைவா் ரேவதி ஐயப்பன் மற்றும் சுகாதாரத் துறையினா் ஆய்வு செய்து தடுப்பு ஏற்படுத்தி அடைத்தனா். கிராம நிா்வாக அலுவலா் சதீஷ்குமாா், ஊராட்சித் துணைத் தலைவா் தெய்வானை மோகன், ஊராட்சி செயலா் சக்திவேல் ஆகியோா் உடனிருந்தனா்.