காவலர் வாகனத்தை வழி மறித்தவர் கைது

முத்துப்பேட்டை அருகே காவலர் வாகனத்தை வழி மறித்து, தகராறு செய்தவர் கைது செய்யப்பட்டார்.
திருவாரூரிலிருந்து முத்துப்பேட்டைக்கு ஞாயிற்றுக்கிழமை ஆயுதப்படை காவலர் வாகனம் வந்துகொண்டிருந்தது. அப்பிரிவில் பணியாற்றும் செந்தில்வேலன் வாகனத்தை ஓட்டிவந்தார். முத்துப்பேட்டை அருகே உள்ள கோபாலசமுத்திரம் பகுதியில் வரும்போது, தில்லைவிளாகம் தெற்குக் காட்டைச் சேர்ந்த மணிகண்டன்(30) என்பவர் மது போதையில், காவலர் வாகனத்தை வழிமறித்து தகராறு செய்தாராம். இதுகுறித்து, காவலர் வாகனத்தை ஓட்டிவந்த செந்தில்வேலன் முத்துப்பேட்டை காவல் நிலையத்தில் புகார் அளித்தார். அதன்பேரில், போலீஸார் வழக்குப்பதிவு செய்து, மணிகண்டனை கைது செய்தனர்.