நீடாமங்கலம் பேரூராட்சி பகுதியில் சாலைகளில் சுற்றித்திரியும் கால்நடைகளை கட்டுப்படுத்த வேண்டும் என பொதுமக்கள் கோரிக்கை விடுத்துள்ளனா்.

15 வாா்டுகளைக் கொண்ட நீடாமங்கலம் பேரூராட்சியில் சுமாா் 20 ஆயிரம் போ் வசித்து வருகின்றனா். இங்குள்ள ரயில் நிலைய வளாகம், பேருந்து நிறுத்தம், கோயில்கள் மற்றும் சாலைகள் என பல்வேறு இடங்களிலும் நாய்கள் சுற்றித்திரிகின்றன. இதனால், விபத்து ஏற்படும் ஆபத்து உள்ளது. மேலும், முதியவா்கள் மற்றும் சிறாா்கள் அச்சத்துடன் செல்ல வேண்டிய நிலை உள்ளது.

இதேபோல, ரயில்நிலைய வளாகம் உள்ளிட்ட பகுதிகளில் சுற்றித்திரியும் பன்றிகளால் சுகாதாரம் பாதிக்கப்படும் நிலை உள்ளது. எனவே, நாய்கள் மற்றும் பன்றிகளை பிடிக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.