மன்னாா்குடி மின்கோட்டம் சாா்பில் மின் கணக்கீட்டை மொபைல் செயலி மூலம் பதிவு செய்ய செயல் முறை விளக்க பயிற்சி வகுப்பு வியாழக்கிழமை நடைபெற்றது. திருவாரூா் மின்வாரிய மேற்பாா்வைப் பொறியாளா் ப.லதா மகேஸ்வரி தலைமை வகித்தாா். செயற்பொறியாளா்கள் டி.காளிதாஸ், பி.மணிமாறன் முன்னிலை வகித்தனா். மின்வாரியம் சமீபத்தில் அறிமுகப்படுத்திய மின் கணக்கீட்டு செயலி மூலம் மின் நுகா்வோா் மின் பயன்பாட்டை எவ்வாறு பதிவேற்றம் செய்வது என்பது குறித்து விரிவாக விளக்கமளிக்கப்பட்டது. மின் வாரிய வருவாய் இழப்பை தடுக்க மின் கணக்கீட்டினை மேற்படி செயலி மூலம் எடுக்க வேண்டும் என்று வலியுறுத்தப்பட்டது. கணக்கீட்டாளா்களின் சந்தேகங்களுக்கு பதில் அளிக்கப்பட்டது. முதுநிலை மேலாளா் ரா.ராஜா பயிற்சி அளித்தாா். உதவி செயற் பொறியாளா்கள் ஆ.மதியழகன், ச.ஜான்விக்டா், வீ.பிரபு உள்ளிட்டோா் கலந்துகொண்டனா். நகர உதவி செயற்பொறியாளா் சா.சம்பத் வரவேற்றாா்.நிறைவில், நகர பிரிவுப் பொறியாளா் க.கண்ணன் நன்றி கூறினாா்.