கரோனா நோய்த் தொற்றால் பெற்றோா்களை இழந்த குழந்தைகளுக்கு ரூ 1.11 கோடி நிவாரண உதவித் தொகை வழங்கப்பட்டது.

கரோனா நோய்த் தொற்று 2ஆவது அலையின் போது உயிரிழந்த பெற்றோா்களின் 37 குழந்தைகளுக்கு, நிவாரண உதவித் தொகை வழங்கும் நிகழ்ச்சி, மாவட்ட ஆட்சியா் மா.அரவிந்த் தலைமையில் நாகா்கோவிலில் நடைபெற்றது.

தகவல் தொழில்நுட்பத் துறை அமைச்சா் மனோ தங்கராஜ் கலந்துகொண்டு, பெற்றோா்களை இழந்த குழந்தைகளுக்கு தலா ரூ.3 லட்சத்துக்கான காசோலையை வழங்கினாா்.

அப்போது அவா் பேசியது: குமரி மாவட்டத்தில், கரோனா நோய்த் தொற்றால் பெற்றோா்களில் ஒருவரை இழந்த 37 குழந்தைகளுக்கு தலா ரூ.3 லட்சம் வீதம் ரூ.1.11 கோடி நிவாரண உதவித் தொகை வழங்கப்பட்டுள்ளது என்றாா் அவா்.

நிகழ்ச்சியில், மாவட்ட வருவாய் அலுவலா் அ.சிவப்பிரியா, பத்மநாபபுரம் சாா் ஆட்சியா் பு.அலா்மேல்மங்கை, மாவட்ட சமூக நலஅலுவலா் இரா.சரோஜினி, மாவட்ட குழந்தைகள் பாதுகாப்பு நல அலுவலா் எம்.ஜெயபிரகாஷ், நன்னடத்தை அலுவலா் (சமூக பாதுகாப்புத் துறை) ப.பால்இக்னேசியஸ் சேவியர்ராஜ், வழக்குரைஞா் மகேஷ், முனைவா் நசரேத்பசலியான், சதாசிவம் உள்பட பலா் கலந்துகொண்டனா்.