வேம்பு மக்கள் சக்தி இயக்கம் சார்பில் இலவச சட்ட விழிப்புணர்வு முகாம் விளாத்திகுளத்தில் நடைபெற்றது.
முகாமுக்கு வேம்பு மக்கள் சக்தி இயக்க இயக்குநர் ஆரோக்கியம் தலைமை வகித்தார்.  உதவி இயக்குநர் ஆரோக்கிய மான்சிங் முன்னிலை வகித்தார்.  முகாமில் தூத்துக்குடி மாவட்ட இலவச சட்டப் பணிகள் ஆணைக்குழு நீதிபதி பெஞ்சமின் சாமுவேல் பங்கேற்று இலவச சட்ட உதவிகள் மற்றும் சட்ட ஆலோசனைகள் குறித்து பேசினார். இலவச சட்ட உதவிகள் பெறும் முறைகள் மற்றும் வழிகாட்டுதல்கள் குறித்த கையேடு வழங்கப்பட்டது.  இதில்,  விளாத்திகுளம் மற்றும் சுற்றுவட்டார கிராமங்களைச் சேர்ந்த பொதுமக்கள், வேம்பு தொண்டு நிறுவன உறுப்பினர்கள்,  மகளிர் குழுக்கள் உள்ளிட்டோர் கலந்து கொண்டனர். வட்ட சட்டப் பணிகள் ஆணைக்குழு உறுப்பினர் ஐயப்பன் நன்றி கூறினார்.