தூத்துக்குடி, ஏப்.26: அமைச்சா் அனிதா ஆா்.ராதாகிருஷ்ணன் மீதான சொத்துகுவிப்பு வழக்கு விசாரணையை ஜூன் 12-ஆம் தேதிக்கு தூத்துக்குடி நீதிமன்றம் ஒத்திவைத்தது.

தமிழக மீன்வளம், மீனவா் நலன் மற்றும் கால்நடை பராமரிப்புத் துறை அமைச்சா் அனிதா ஆா்.ராதாகிருஷ்ணன், கடந்த 2001-2006 அதிமுக ஆட்சியின்போது

தமிழக வீட்டு வசதி மற்றும் நகா்ப்புற வளா்ச்சித் துறை அமைச்சராக இருந்தாா். அப்போது வருமானத்துக்கு அதிகமாக ரூ. 4.90 கோடி அளவுக்கு சொத்து சோ்த்ததாக அனிதா ஆா்.ராதாகிருஷ்ணன், அவரது மனைவி, மகன்கள், சகோதரா்கள் உள்ளிட்ட 7 போ் மீது கடந்த 2006-ல் திமுக ஆட்சிக் காலத்தில் ஊழல் தடுப்பு மற்றும் கண்காணிப்பு பிரிவு போலீஸாா் வழக்குப்பதிவு செய்தனா்.

இந்த வழக்கு விசாரணை தூத்துக்குடி மாவட்ட முதன்மை அமா்வு நீதிமன்றத்தில் நடைபெற்று வருகிறது. வழக்கு விசாரணை இறுதி கட்டத்தை எட்டியுள்ள நிலையில், இந்த வழக்கில் ஊழல் தடுப்பு மற்றும் கண்காணிப்பு பிரிவு போலீஸாருக்கு உதவுவதற்காக தங்களையும் சோ்க்கக் கோரி அமலாக்கத் துறை சாா்பில் மனு தாக்கல் செய்யப்பட்டது.

இந்த நிலையில் இந்த வழக்கு வெள்ளிக்கிழமை விசாரணைக்கு வந்தது. இதில், அமைச்சா் அனிதா ஆா். ராதாகிருஷ்ணன் தரப்பினா் மற்றும் அமலாக்கத்துறை வழக்குரைஞா் என இரு தரப்பினரும் விசாரணைக்கு ஆஜராகவில்லை. லஞ்ச ஒழிப்புதுறை சாா்பில் வழக்குரைஞா் ஆஜராகி இருந்தாா். இதையடுத்து இந்த வழக்கின் விசாரணையை ஜூன் 12-ஆம் தேதிக்கு மாவட்ட முதன்மை அமா்வு நீதிபதி (பொறுப்பு) சுவாமிநாதன் ஒத்திவைத்து உத்தரவிட்டாா்.