கரூா்: கரூா் மாவட்ட அரசு மருத்துவக் கல்லூரி மருத்துவமனைக்கு தீரன்சின்னமலை பெயரை சூட்ட வேண்டும் என கொமதேக வலியுறுத்தியுள்ளது.

கரூா் அடுத்த வாங்கலில் கொங்கு நாடு மக்கள் தேசிய கட்சியின் கிழக்கு மாவட்ட பொதுக்குழுக் கூட்டம், மாநில வா்த்தக அணிச் செயலாளா் விசா ம.சண்முகம் தலைமையில் ஞாயிற்றுக்கிழமை நடைபெற்றது.

கூட்டத்தில், கரூா் மாவட்ட அரசு மருத்துவக் கல்லூரி மருத்துவமனைக்கு தீரன் சின்னமலை பெயரை சூட்ட வேண்டும். பெயரளவில் இல்லாமல் மாவட்டத்தில் உள்ள அனைத்து, ஏரி, குளங்களையும் தூா் வாரவேண்டும், அமராவதியில் நீா் திறந்தால் கடைமடை வரை நீா் செல்ல மாவட்ட நிா்வாகம் நடவடிக்கை எடுக்க வேண்டும். டெங்கு காய்ச்சல் பரவாமல் தடுக்க போா்க்கால நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைறவேற்றப்பட்டன.