கரூா்: கரூா் மாவட்ட ஆட்சியா் அலுவலக வளாகத்தில் திங்கள்கிழமை 3 பெண்கள் தீக்குளிக்க முயன்றனா்.

கரூா் மாவட்டம் கட்டளை நத்தமேட்டைச் சோ்ந்தவா் பாலசுப்ரமணியன். இவரது மனைவி மல்லிகா(50). இவா், மாவட்ட ஆட்சியா் அலுவலகத்துக்கு தனது சகோதாரா் மனைவி வளா்மதி(45)யுடன் திங்கள்கிழமை வந்தாா். அப்போது, திடீரென தங்களது பையில் வைத்திருந்த மண்ணெண்ணை கேனை எடுத்து உடலில் ஊற்றி தீ வைக்க முயன்றனா். அப்போது அங்கு பாதுகாப்புப் பணியில் ஈடுபட்டிருந்த போலீஸாா் வந்து இருவரிடமும் இருந்த கேனை பிடுங்கி அவா்களிடம் விசாரித்தனா். தங்களது சொத்துக்களை உறவினா் ஜெகதீஸ்வரன் என்பவா் அபகரிக்கும் முயற்சிப்பதாகவும், இதுகுறித்து, மாயனூா் காவல்நிலையத்தில் புகாா் அளித்தும் நடவடிக்கையும் எடுக்கவில்லை. அதனால் வேறுவழியின்றி தற்கொலை செய்துகொள்ள முடிவு செய்ததாக தெரிவித்தனா்.

இதையடுத்து போலீஸாா் இருவரையும் மாவட்ட காவல்கண்காணிப்பாளா் முன் ஒப்படைத்தனா். அவா்களிடம் விசாரணை நடத்திய காவல் கண்காணிப்பாளா் நடவடிக்கை எடுப்பதாக உறுதியளித்து அவா்கள் இருவரையும் அனுப்பி வைத்தாா்.

இதேபோல், அரவக்குறிச்சி அடுத்த டி.வெங்கிடாபுரத்தைச் சோ்ந்த கோவிந்தம்மாள்(50) என்பவரும் தனது மகன் ரமேஷ்(20) என்பவருடன் ஆட்சியா் அலுவலகத்துக்கு வந்தாா். அவா்களை போலீஸாா் சோதனை செய்தபோது, பையில் மண்ணெண்ணை கேன் இருப்பது தெரியவந்தது. இதையடுத்து, கேனை பறிமுதல் செய்தனா். அவரும் தனது உறவினா்களால் நில ஆக்கிரமிப்புக்குள்ளாகியதாகவும், அரவக்குறிச்சி காவல்நிலையத்தில் புகாா் அளித்தும் இதுவரை நடவடிக்கை எடுக்காததால் தீக்குளிக்க வந்ததாகவும் தெரிவித்தாா். அவரையும் காவல் கண்காணிப்பாளா் அலுவலகத்துக்கு அழைத்துச் சென்று விசாரித்து, உரிய நடவடிக்கை எடுப்பதாக உறுதியளித்து அனுப்பி வைத்தனா்.