ரயில் மறியலுக்கு முயற்சி: இந்திய கம்யூனிஸ்ட் கட்சியினர் 105 பேர் கைது

காவிரி மேலாண்மை வாரியம் அமைக்க வலியுறுத்தி புதுக்கோட்டையில் ரயில் மறியலில் ஈடுபட முயன்ற இந்திய கம்யூனிஸ்ட் கட்சியினர் 105 பேர் புதன்கிழமை கைது செய்யப்பட்டனர்.
 புதுக்கோட்டை ரயில் நிலையத்தில் இந்திய கம்யூனிஸ்ட் கட்சியின் மாவட்டச் செயலாளர் மு.மாதவன் தலைமையில் அக்கட்சியினர் ரயில் தண்டவாளத்தில் அமர்ந்து காவிரி மேலாண்மை வாரியம் அமைக்க வலியுறுத்தியும், மத்திய அரசைக் கண்டித்தும் முழக்கங்கள் எழுப்பினர்,  திருக்கோகர்ணம் போலீஸார் ரயில் மறியலில் ஈடுபட முயன்ற இந்திய கம்யூனிஸ்ட் கட்சியைச் சேர்ந்த  20 பெண்கள் உள்பட 105 பேரைக் கைது செய்தனர்.