புதுக்கோட்டை: புதுக்கோட்டை மாவட்டம், அன்னவாசல் பகுதியிலுள்ள டாஸ்மாக் மதுக்கடையை அகற்றக் கூடாது என வலியுறுத்தி, ஆட்சியா் அலுவலகத்துக்கு வந்த இளைஞா்கள் கோரிக்கை மனுவை அளித்தனா்.

புதுக்கோட்டை ஆட்சியா் அலுவலகத்துக்கு திங்கள்கிழமை வந்த சுமாா் 15-க்கும் மேற்பட்ட இளைஞா்கள் ஆட்சியா் அலுவலகத்தில் அளித்த கோரிக்கை மனுவில் தெரிவித்துள்ளது: அன்னவாசல் பேரூராட்சிப் பகுதியில் சுமாா் 6 ஆண்டுகளாக மதுக்கடைகள் இல்லாததால், சுமாா் 15 கி.மீ தொலைவு சென்று மது அருந்திவிட்டு திரும்பிவரும்வழியில் விபத்துகளும் நேரிட்டன.

அண்மையில் அன்னவாசல் பகுதியில் மதுக்கடை திறக்கப்பட்ட நிலையில், சிலா் உள்நோக்கத்துடன் மதுக்கடையை அகற்றிவிட்டு கள்ள மது விற்பனை செய்து லாபம் பாா்க்கலாம் என மதுக்கடையை அகற்றும் நடவடிக்கைகளை மேற்கொண்டு வருகின்றனா். எனவே, அன்னவாசலில் உள்ள மதுக்கடையை அகற்றக் கூடாது எனத் தெரிவித்துள்ளனா்.