பிறை தென்பட்டதால் வரும் நவ.10 ஆம் தேதியன்று மிலாது நபி பண்டிகை அறிவிக்கப்பட்டுள்ளது.

இதுகுறித்து திருச்சி மாவட்ட அரசு காஜி க.ஜலீல் சுல்தான் ஆலிம் மன்பயீ வெளியிட்ட அறிக்கை:

சென்னை, திருச்சி அதன் சுற்றுவட்டப் பகுதிகளில் செவ்வாய்க்கிழமை மாலை ரபிஉல் அவ்வல் மாதத்தின் முதல் பிறை தென்பட்டுள்ளது. இதன்படி, வரும் நவ.10 ஆம் தேதி (ஞாயிற்றுக்கிழமை) மிலாதுநபி பண்டிகை உத்தம நபியின் உதய தினவிழா கொண்டாடப்படவுள்ளது.

முஸ்லிம் மக்கள் அனைவரும் நபிகள் காட்டிய தூய வழியைப் பின்பற்றி இறைவனைத் தொழுது, தான தா்மங்களில் ஈடுபட வேண்டும். உணவு, ஆயுள் விருத்திக்காக சகோதர சமூக மக்களுடன் ஒற்றுமை, மத நல்லிணக்கத்துடன் இணைந்து வாழ எல்லாம் வல்ல இறைவனிடம் பிராா்த்தனை செய்ய வேண்டும்.