மணப்பாறையில் விவசாயம் மற்றும் உணவுசாா் தொழில் முனைவோா் தேடல் முகாம் மதுரை சாலை தனியாா் மெட்ரிக் பள்ளியில் செவ்வாய்க்கிழமை நடைபெற்றது.

ரோட்டரி கிளப் ஆஃப் திருச்சி பீனிக்ஸ், மணவை குயின்ஸ் ரோட்டரி சங்கம் சாா்பில் நடைபெற்ற முகாமுக்கு மணவை குயின்ஸ் ரோட்டரி தலைவி என். சோபனா ஆனந்த் தலைமை வகித்தாா்.

நிகழ்ச்சியில் செயலா் லலிதா அழகப்பன், ரோட்டரி கிளப் ஆப் திருச்சி ஃபீனிக்ஸ் சங்கத் தலைவா் ஏ.ஜெ.ஜெ. செந்தில்குமாா், செயலா் எம்.கிருஷ்ணமூா்த்தி ஆகியோா் முன்னிலை வகித்தனா். திருச்சி அக்ரி பிசினஸ் இங்குபேஷன் போரம் தலைமைச் செயல் அதிகாரி எஸ். சந்தோஷ், நிறுவனத்தின் மூலம் உணவு மற்றும் விவசாயம் சாா்ந்த தொழில்களுக்கு தரப்படும் சேவைகளை குறித்து விளக்கினாா். இதில் 100 போ் பங்கேற்று வழிகாட்டுதல்களைப் பெற்றனா்.