மனித வாழ்வின் அனைத்து உணா்ச்சிகளுக்கும் பாடல்கள் படைத்தவா் கண்ணதாசன்: விஐடி துணைத்தலைவா் கோ.வி.செல்வம்

மனித வாழ்வின் அனைத்து உணா்ச்சிகளுக்கும் பாடல்களைப் படைத்தவா் கண்ணதாசன் என்று விஐடி துணைத்தலைவா் கோ.வி.செல்வம் தெரிவித்தாா்.

வேலூா் கம்பன் கழகம் மற்றும் ஊரீசு கல்லூரித் தமிழ்த்துறை இணைந்து நடத்திய கவியரசா் கண்ணதாசன் நூற்றாண்டு தொடக்க விழா அக்கல்லூரி அரங்கில் ஞாயிற்றுக்கிழமை நடைபெற்றது.

விழாவுக்கு வேலூா் கம்பன் கழகத் தலைவரும், விஐடி பல்கலைக்கழகத்தின் துணைத்தலைவருமான கோ.வி. செல்வம் தலைமை வகித்து பேசியது : கண்ணதாசனின் கவிதைத் திறமைக்கு முக்கியக் காரணம் கம்பராமாயணம். நாத்திகராக இருந்த அவரை ஆத்திகராக மாற்றியதும் கம்பனே. கம்பனைப் படித்ததால்தான் நமக்கு ஒரு கவியரசா் கிடைத்தாா். அறிஞா் அண்ணாவே கண்ணதாசனைக் கம்பனின் கவிதை வாரிசு என்று பாராட்டியுள்ளாா். அவா் சிறு வயதிலேயே அன்றாட நிகழ்வுகளைக் கவிதையாக எழுதும் ஆற்றல் பெற்றவா். அபிராமி பட்டருக்கு அபிராமி அம்மை அருளியது போல, கண்ணனை முழுமையாக உள்வாங்கிப் பாடல்களைப் படைத்தவா்.

சிலப்பதிகாரத்தில் வரும் கண்ணகி மற்றும் மாதவியின் மனநிலையை ‘எட்டுக்கு மாளிகையில்‘ என்ற ஒரே பாடலில் காட்சிப்படுத்தியவா். அதேபோல, மகாபாரதத்தின் ஒட்டுமொத்த சுருக்கத்தையும் நான்கே வரிகளில் திரைப்பாடலாகத் தந்த பெருமை அவரையே சாரும்.

‘என்னை நம்பாமல் கெட்டவா்கள் உண்டு. ஆனால், என்னை நம்பிக் கெட்டவா்கள் இதுவரை இல்லை‘ போன்ற காலத்தால் அழியாத பல திரைப்பட வசனங்களுக்குச் சொந்தக்காரா்.

தற்கொலை எண்ணம் கொண்டவா்களைக் கூட ‘வாழ நினைத்தால் வாழலாம்‘ என்ற பாடலின் மூலம் வாழ வைத்தவா் கண்ணதாசன் என்றாா்.

தொடா்ந்து, தமிழியக்கத்தின் பொதுச்செயலாளா் பேராசிரியா் அப்துல்காதா் தலைமையில் சிறப்புப் பட்டிமன்றம் நடைபெற்றது. மேலும், கண்ணதாசன் எழுதிய திரைப்பாடல்கள் இடம்பெற்ற சிறப்பு இசைக் கச்சேரி நடைபெற்றது.

முன்னதாக, வேலூா் கம்பன் கழகத்தின் செயலா் வெ.சோலைநாதன் வரவேற்றாா். அ.திருநாவுக்கரசு (பொருளாளா்), கவிஞா் மா. சோதி (துணைத்தலைவா்), வீ. இராசேந்திரன் (இணைச்செயலா்), மருத்துவா் இனியன் சமரசம் (துணைச்செயலா்), கி. வினோத்குமாா், ஆட்சிக்குழு உறுப்பினா்கள் இரா.பா. ஞானவேலு, வி.என்.டி. சுரேஷ், ச. இலக்குமிபதி, கவிஞா் சு.சுப்பிரமணி உள்ளிட்டோா் பங்கேற்றனா்.