மாவட்ட அளவிலான ஹாக்கி லீக் போட்டிகளில் பங்கேற்க அணிகளுக்கு அழைப்பு விடுக்கப்பட்டுள்ளது.
 இது தொடர்பாக கடலூர் மாவட்ட தமிழ்நாடு விளையாட்டு மேம்பாட்டு ஆணையம் வெளியிட்ட செய்திக் குறிப்பு:
 தமிழ்நாடு விளையாட்டு மேம்பாட்டு ஆணையத்தால் 2017-18 ஆம் ஆண்டுக்கான மாவட்ட அளவிலான ஹாக்கி லீக் போட்டிகள் பிப்.24, 25 ஆகிய தேதிகளில் கடலூர் அண்ணா விளையாட்டரங்கில் நடைபெறவுள்ளது.
 போட்டிகள் 24-ஆம் தேதி காலை 8 மணிக்குத் தொடங்கும். இதில் பங்கேற்க வயது வரம்பு கிடையாது. ஆண்கள் ஒரு அணியாக மட்டுமே கலந்து கொள்ள அனுமதிக்கப்படுவார்கள். வெற்றி பெறுபவர்களுக்கு பதக்கம், சான்றிதழ் வழங்கப்படும். கடலூர் மாவட்டத்தைச் சேர்ந்தவர்கள் மட்டுமே போட்டிகளில் பங்கேற்கலாம் என அதில் தெரிவிக்கப்பட்டுல்ளது.