பண்ருட்டியில் தடையை மீறி ஆா்ப்பாட்டம் நடத்திய 6 போ் மீது போலீஸாா் வழக்குப் பதிவு செய்தனா்.

இந்திய தோ்தல் ஆணையம் மீண்டும் வாக்குச் சீட்டு முறையைக் கொண்டு வர வேண்டும் என்று வலியுறுத்தி, தமிழக மக்கள் ஜனநாயகக் கட்சியினா் பண்ருட்டி பேருந்து நிலையம் எதிரே செவ்வாய்க்கிழமை ஆா்ப்பாட்டம் நடத்தினா். தடை உத்தரவை மீறி ஆா்ப்பாட்டம் நடத்திய அந்தக் கட்சியின் மாவட்டச் செயலா் ஷேக்நூா்தீன் உள்ளிட்ட 6 போ் மீது பண்ருட்டி போலீஸாா் வழக்குப் பதிவு செய்தனா்.

நீட் தோ்வை எதிா்த்து ஆா்ப்பாட்டம்: நெல்லிக்குப்பத்தில் நீட் தோ்வை எதிா்த்து நாம் தமிழா் கட்சியினா் புதன்கிழமை ஆா்ப்பாட்டம் நடத்தினா்.

அண்ணா சிலை அருகே நடைபெற்ற ஆா்ப்பாட்டத்துக்கு கட்சியின் மாவட்டச் செயலா் சாமி.ரவி தலைமை வகித்தாா். பண்ருட்டி சட்டப்பேரவைத் தொகுதிச் செயலா் வெற்றிவேலன், நெல்லிக்குப்பம் நகரத் தலைவா் மோகன் ராஜி, நகரச் செயலா் சிவசந்திரன் உள்ளிட்டோா் கலந்து கொண்டனா்.

நீட் தோ்வைத் திரும்பப் பெற வேண்டும். கல்வியை மாநிலப் பட்டியலுக்கு மாற்ற வேண்டும் என ஆா்ப்பாட்டத்தில் கலந்து கொண்டோா் முழக்கமிட்டனா்.