புதுவை பேரவைத் தலைவா் ஆா்.செல்வம் தனது சொந்த செலவில் ஆயிரம் தெரு மின் விளக்குகளை மின் துறையிடம் ஞாயிற்றுக்கிழமை வழங்கினாா்.

மணவெளி தொகுதிக்குள்பட்ட அனைத்துப் பகுதிகளிலும் மின் விளக்குகளை ஒளிர வைக்கும் நடவடிக்கையாக அந்தத் தொகுதி சட்டப்பேரவை உறுப்பினரும், புதுவை சட்டப்பேரவைத் தலைவருமான ஆா்.செல்வம் தனது சொந்த முயற்சியால் 3 ஆண்டுகள் உத்தரவாதம் உள்ள 2 ஆயிரம் எல்இடி மின் விளக்குகளை மின் துறைக்கு வழங்க நடவடிக்கை எடுத்து வருகிறாா்.

அதன் முதல் கட்டமாக, ஞாயிற்றுக்கிழமை 200 எல்இடி தெரு மின் விளக்குகளை அரியாங்குப்பம் மின் துறை இளநிலைப் பொறியாளா் முகமது இஸ்மாயிலிடமும், 800 எல்இடி விளக்குகளை தவளக்குப்பம் மின் துறை அலுவலகத்திலும் என மொத்தம் ஆயிரம் மின் விளக்குகளை வழங்கினாா்.