விழுப்புரம் மாவட்டம், மயிலம் அருகே கஞ்சா விற்பனை செய்த மூதாட்டியை போலீஸாா் வியாழக்கிழமை கைது செய்தனா். அவரிடமிருந்து 10 கிலோ கஞ்சா பறிமுதல் செய்யப்பட்டது.

மயிலம் காவல் நிலைய ஆய்வாளா் லட்சுமி தலைமையிலான போலீஸாா் கூட்டேரிப்பட்டு தீவனூா் ரயில்வே மேம்பாலம் அருகில் வியாழக்கிழமை ரோந்து சென்றபோது, அங்கு கஞ்சா விற்றுக்கொண்டிருந்த மூதாட்டி பிடிபட்டாா். அவரிடம் 2 கிலோ கஞ்சா இருந்தது தெரியவந்தது.

விசாரணையில், அந்த மூதாட்டி திருநெல்வேலியைச் சோ்ந்த சிவஞானம் மனைவி விஜயா (60) என்பதும், தற்போது விழுப்புரம் ராஜீவ் காந்தி நகரில் வசித்து வருவதும் தெரியவந்தது. இதையடுத்து, போலீஸாா் விழுப்புரத்தில் உள்ள அவரது வீட்டுக்குச் சென்று சோதனை செய்துபோது, அங்கு 8 கிலோ கஞ்சா பதுக்கிவைத்திருந்தது தெரியவந்தது.

இதைத் தொடா்ந்து, விஜயாவை கைது செய்த போலீஸாா், அவரிமிருந்த மொத்தம் 10 கிலோ கஞ்சாவையும் பறிமுதல் செய்தனா். பின்னா், திண்டிவனம் கூடுதல் காவல் கண்காணிப்பாளா் அபிஷேக்குப்தா நிகழ்விடத்துக்குச் சென்று பாா்வையிட்டாா்.