உங்களுக்கு மகர லக்னம், மீன ராசி. தற்சமயம் தொழில் ஸ்தானத்திலுள்ள சுக்கிரபகவானின் தசையில் இறுதிப்பகுதி நடக்கிறது. அடுத்த ஆண்டு மார்ச் மாதத்திற்குப்பிறகு நீங்கள் செய்துவரும் தொழிலிலேயே வருமானம் உண்டு. நவம்பர் மாதத்திற்குள் கடன்கள் அடைந்து 2020 ஆம் ஆண்டு வீடு கட்டும் பாக்கியமும் உண்டாகும். உங்கள் மகளுக்கு தர்மகர்மாதிபதியின் தசை தற்சமயம் நடப்பதால் அனைத்து விஷயங்களிலும் நன்மையே உண்டாகும். உங்கள் மனைவிக்கும் பாக்கிய ஸ்தானமும் லாப ஸ்தானமும் வலுவாக உள்ளதால் எதிர்காலம் சீராகவே தொடரும். தந்தைவழிச் சொத்தும் கிடைக்க வாய்ப்புள்ளது. பிரதி ஞாயிற்றுக்கிழமைகளில் சிவபெருமானை வழிபட்டு வரவும்.