லார்சன் அண்டு டூப்ரோ இன்ஃபோடெக் (எல்டிஐ) நிறுவனத்தின் டிசம்பர் காலாண்டு லாபம் 32.8 சதவீதம் அதிகரித்துள்ளது.
இதுகுறித்து அந்த நிறுவனம் வெளியிட்ட அறிக்கையில் கூறியுள்ளதாவது:
எல்டிஐ நிறுவனத்தின் வருவாய் அக்.,-டிச., காலாண்டில் ரூ. 2,472.9 கோடியாக இருந்தது. இது முந்தைய நிதியாண்டின் இதே காலாண்டில் ஈட்டிய வருவாயான ரூ.1,883.8 கோடியுடன் ஒப்பிடும்போது 31.3 சதவீதம் அதிகமாகும். 
நிகர லாபம் ரூ.282.8 கோடியிலிருந்து 32.8 சதவீதம் அதிகரித்து ரூ.375.5 கோடியானது. இருப்பினும், முந்தைய செப்டம்பர் காலாண்டுடன் ஒப்பிடும்போது டிசம்பர் காலாண்டில் நிகர லாபம் 6.2 சதவீதம் குறைந்துள்ளது. அதேசமயம், வருவாய் 6.1 சதவீதம் வளர்ச்சியைக் கண்டுள்ளது. 
டிசம்பர் காலாண்டு நிலவரப்படி நிறுவனத்தின் மொத்த பணியாளர் எண்ணிக்கை 27,513-ஆக உள்ளது என எல்டிஐதெரிவித்துள்ளது.