மறைந்த தம்பி புனித்துக்காக குரல் கொடுத்த அண்ணன் சிவ ராஜ்குமார்: ரசிகர்கள் உருக்கம்

பிரபல நடிகர் புனித் ராஜ் குமார் கடந்த வருடம் அக்டோபர் மாதம் உடல் நலக்குறைவால் மரணமடைந்தார். மிக இளம் வயதில் அவர் மரணித்தது அவரது ரசிகர்கள் மட்டுமல்லாமல் ஒட்டுமொத்த திரையுலகினரையுமே அதிர்ச்சியைடந்தனர். 

இந்த நிலையில் அவர் நடித்த படமான ஜேம்ஸ் படத்தில் புனித் ராஜ்குமாருக்கு அவரது சகோதரர் ஷிவ ராஜ்குமார் பின்னணி குரல் கொடுத்துள்ளார். இந்தத் தகவலைப் படக்குழுவினர் பகிர்ந்துள்ளனர். 

இதையும் படிக்க | சூர்யாவின் 'எதற்கும் துணிந்தவன்' சிறப்பு படங்களை பகிர்ந்த சன் பிக்சர்ஸ்

ஜேம்ஸ் படத்தில் புனித் ராஜ்குமாரின் சகோதரர்கள் சிவ ராஜ்குமாரும் ராகவேந்திரா ராஜ்குமாரும் சிறப்புத் தோற்றத்தில் நடித்துள்ளனர். இந்தப் படத்தில் பிரியா ஆனந்த், அனு பிரபாகர் முகர்ஜி உள்ளிட்டோர் முக்கிய வேடங்களில் நடித்துள்ளனர். இந்தப் படம் வருகிற மார்ச் 17 ஆம் தேதி திரைக்குவரவிருக்கிறது.