சன் தொலைக்காட்சியில் ஒளிபரப்பாகிவரும் எதிர்நீச்சல் தொடர் வாரத்தின் 7 நாள்களும் ஒளிபரப்பாகிவருகிறது. இதேபோன்று மேலும் இரண்டு நெடுந்தொடர்கள் வாரத்தின் ஏழு நாள்களிலும் ஒளிபரப்பாகவுள்ளது. 

சன் தொலைக்காட்சியில் ஒளிபரப்பாகிவரும் தொடர்கள் அதிக அளவிலான ரசிகர்களைக் கொண்டுள்ளது. குறிப்பாக பிரைம் டைம் எனப்படும் மாலை வேலைகளில் ஒளிபரப்பாகும் தொடர்கள் டிஆர்பி பட்டியலில் முதல் 5 இடங்களைப் பெற்றுவிடுகின்றன. 

அந்தவகையில் திங்கள் முதல் சனிக்கிழமை வரை இரவு 9.30 மணிக்கு ஒளிபரப்பாகிவந்த எதிர்நீச்சல் தொடர் மக்களிடம் பெற்ற வரவேற்பின் எதிரொலியாக, ஞாயிற்றுக்கிழமையிலும் ஒளிபரப்பப்படும் என அறிவிக்கப்பட்டுள்ளது. 

படிக்க | சீரியலில் முத்தக் காட்சி! எதிர்நீச்சல் நாயகிக்கு எதிர்ப்பும், வரவேற்பும்!!

இந்த செய்தி எதிர்நீச்சல் ரசிகர்களிடம் மிகுந்த வரவேற்பைப் பெற்றிருந்தது. அதேபோன்று சன் தொலைக்காட்சியில் ஒளிபரப்பாகிவரும் மேலும் இரு தொடர்கள் ஞாயிற்றுக்கிழமையும் ஒளிபரப்பாகவுள்ளது. 

இதேபோன்று டெல்னா டேவிஸ், விராட் நடிக்கும் அன்பே வா தொடரும் இனி ஞாயிற்றுக்கிழமையும் ஒளிபரப்பாகும் என அறிவிக்கப்பட்டுள்ளது. இந்தத் தொடரை பிரின்ஸ் இம்மானுவேல் இயக்கியிருந்த நிலையில், தற்போது ராஜேந்திரன் இயக்கி வருகிறார். இந்தத் தொடர் இரவு 10 மணிக்கு ஒளிபரப்பாகிறது.

படிக்க | வருறது புதிய தொடர்: விரைவில் நிறைவடையவிருக்கும் பிரபல சீரியல்!

மேலும், நேத்ரா எனும் மாயாஜாலம் நிறைந்த தொடரும் இனி  ஞாயிற்றுக்கிழமையும் ஒளிபரப்பாகிறது. இந்தத்தொடர் இரவு 10.30 மணிக்கு ஒளிபரப்பாகும்.