விஜய் 68வது படத்தின் முக்கிய அறிவிப்புகள் நாளை முதல் வெளியாகும் என ஏஜிஎஸ் நிறுவனம் அறிவித்துள்ளது.

லியோ படத்தைத் தொடர்ந்து விஜய்யின் 68வது படத்தை வெங்கட் பிரபு இயக்குகிறார். இப்படத்துக்கு யுவன் சங்கர் ராஜா இசையமைக்கிறார். 

மேலும், இப்படத்தில் நடிகர்கள் ஜெயராம், பிரபு தேவா, மோகன், பிரஷாந்த்,  வைபவ், சினேகா, லைலா, பிரியங்கா மோகன், மீனாட்சி சௌத்ரி உள்ளிட்டோர் நடிக்கின்றனர்.

இப்படத்தை ஏ.ஜி.எஸ் நிறுவனம் பிரம்மாண்ட பொருட்செலவில் தயாரிக்க உள்ளது. சமீபத்தில் இந்தப் படத்தின் படப்பிடிப்பு துவங்கியது. அடுத்தக்கட்ட படப்பிடிப்பிற்காக படக்குழு தென்னாபிரிக்கா சென்றுள்ளதாக தகவல் வெளியானது.

இதையும் படிக்க: இணையத்தில் வைரலாகும் லப்பர் பந்து படத்தின் போஸ்டர்!

இந்த நிலையில், விஜய் 68வது படத்தின் பூஜை தொடர்பான விடியோ நாளை(அக்.24) பிற்பகல் 12.05 மணிக்கு வெளியாகும் என ஏஜிஎஸ் நிறுவனம் அறிவித்துள்ளது.