ஓடிடி தளங்களில் இந்த வாரம் எந்தெந்தத் திரைப்படங்கள், இணையத் தொடர்கள் வெளியாகவுள்ளன என்பதைக் காணலாம்.

ஸ்ரீநாத் இயக்கத்தில் யோகிபாபு நடிப்பில் வெளியான லெக் பீஸ் திரைப்படம் டெண்ட்கொட்டா ஓடிடி தளத்தில் வெளியாகியுள்ளது.

சித்தார்த், மாதவன், நயன்தாரா நடித்துள்ள டெஸ்ட் திரைப்படம் நாளை (ஏப்.4) நெட்பிளிக்ஸ் தளத்தில் நேரடியாக வெளியாகிறது.

ஹேம்நாத் நாராயணன் இயக்கத்தில் அறிமுக நடிகர்கள் நடித்து 100 திரையரங்குகளில் மட்டுமே வெளியான மர்மர் என்ற திகில் திரைப்படம் நாளை டெண்ட்கொட்டா ஓடிடி தளத்தில் வெளியாகிறது.

தமிழில் வெளியான லவ் டுடே படத்தின் ஹிந்தி ரீமேக்கான லவ்யப்பா படம் நாளை ஜியோ ஹாட் ஸ்டாரில் பார்க்கலாம். இதில் குஷி கபூர், ஜுனைத் கான் பிரதான பாத்திரத்தில் நடித்துள்ளனர்.

நவ்தீப் முதன்மை பாத்திரத்தில் நடித்துள்ள டச் மீ நாட் என்ற தெலுங்கு மொழி இணையத் தொடரை ஜியோ ஹாட் ஸ்டார் தளத்தில் பார்க்கலாம்.

இப்படங்கள் அல்லாமல் கடந்த வாரம் வெளியான மிஸ்டர் ஹவுஸ் கீப்பிங் திரைப்படம் ஆஹா தமிழ் ஓடிடியிலும் அகத்தியா திரைப்படம் சன் நெக்ஸ்ட் ஓடிடியிலும் ஓம் காளி ஜெய் காளி ஜியோ ஹாட் ஸ்டார் ஓடிடியிலும் காணக் கிடைக்கின்றன.

இதையும் படிக்க: கூலி டீசர் வெளியாகிறதா? புதிய அப்டேட்!