த்ரிஷ்யம் 3 படத்தின் டிரைலர் அப்டேட்!

நடிகர் மோகன்லால் நடிப்பில் உருவாகியுள்ள த்ரிஷ்யம் 3 படத்தின் டிரைலர் நாளை (மே.9) மாலை வெளியாகுமென அறிவிக்கப்பட்டுள்ளது.

ஜீத்து சோசப் இயக்கத்தில் த்ரில்லர் பாணியில் உருவாகி மலையாளத் திரையுலகில் பெரிய வெற்றியைப் பெற்ற த்ரிஷ்யம், த்ரிஷ்யம் 2 ஆகிய திரைப்படங்கள் வேறு மொழிகளிலும் ரீமேக் செய்யப்பட்டும் வெற்றிபெற்றன.

இதனைத் தொடர்ந்து, மீண்டும் அதே கூட்டணியில் இப்படத்தின் மூன்றாவது பாகமான ‘த்ரிஷ்யம் - 3’ உருவாகியுள்ளது. இதனை, ஆசீர்வாத் சினிமாஸ் தயாரிப்பு நிறுவனம் தயாரித்துள்ளது.

இந்தப் படம் நடிகர் மோகன்லாலின் பிறந்த நாளான மே 21 ஆம் தேதி த்ரிஷ்யம் - 3 வெளியாகும் என அதிகாரப்பூர்வமாக அறிவிக்கப்பட்டுள்ளது.

இந்த நிலையில், படத்தின் டிரைலர் நாளை (மே.9) வெளியாகுமென நடிகர் மோகன்லால் தனது எக்ஸ் பக்கத்தில் அறிவித்துள்ளார்.