ஒன்றிய அலுவலகம் அருகே ஹைமாஸ் விளக்கு அமைக்கக் கோரிக்கை

பண்ருட்டி, திருவதிகை யூனியன் அலுவலகம் அருகே உள்ள எம்.ஜி.ஆர். சிலையில் ஹைமாஸ் விளக்கு அமைக்க வேண்டும் என கவுன்சிலர் வடிவேலன் கூறினார்.

பண்ருட்டி நகராட்சியின், நகர்மன்ற சாதாரணக் கூட்டம், அதன் தலைவர் பி.பன்னீர்செல்வம் தலைமையில் மன்ற வளாகத்தில் வெள்ளிக்கிழமை நடந்தது.

கூட்டத்தில் நடந்த விவாதம்:

டி.ஜி.ரவிசந்திரன்: மேலப்பாளையத்தில் பள்ளிக்குச் செல்லும் வழியில் உள்ள ஆக்கிரமிப்புகளை அகற்ற வேண்டும்.

வி.ராஜதுரை: ரூ.3.20 கோடி திட்ட மதிப்பீட்டில் ஒருங்கிணைந்த நகர்ப்புற மேம்பாட்டு குழும திட்டத்தின்கீழ் குடிநீர் விநியோகம் திட்டப் பணி முடிவடையும் தருவாயில் உள்ளது. வெளி சந்தையில் விற்பனை செய்யப்படும் சுத்திகரிக்கப்பட்ட தண்ணீரைபோல், நகராட்சி மூலம் தண்ணீரை சுத்திகரிப்பு செய்து விற்பனை செய்தால் வருவாய் ஈட்ட முடியும் என சிறப்பு தீர்மானத்தை கொண்டு வந்தார்.  ஆணையர் உமாமகேஸ்வரி, பொறியாளர் ராதா, துணைத் தலைவர் மல்லிகா, கவுன்சிலர்கள் ராமதாஸ், கோவிந்தன், முருகன் உள்ளிட்டோர் கலந்து கொண்டனர்.