மகாராஷ்டிரத்தில் இன்று மேலும் 19,218 பேருக்கு கரோனா தொற்று உறுதி செய்யப்பட்டுள்ளது.

இதுகுறித்து அம்மாநில சுகாதாரத்துறை இன்று வெளியிட்ட தகவலில், இன்று 19,218 பேருக்கு கரோனா தொற்று உறுதி செய்யப்பட்டுள்ளது. இதனால் மொத்த கரோனா பாதிப்பு எண்ணிக்கை 8,63,062 ஆக உயர்ந்துள்ளது.

தற்போது அவர்களில் 2,10,978 பேர் சிகிச்சை பெற்று வருகின்றனர். இன்று 378 பேர் கரோனா பாதிப்பால் பலியானதையடுத்து, இதுவரை கரோனாவால் பலியானவர்களின் எண்ணிக்கை 25,964 ஆக அதிகரித்துள்ளது.

இறப்பு விகிதம் 3.01 சதவிகிதமாக உள்ளது. இன்று 13,389 பேர் குணமடைந்து வீடு திரும்பியுள்ளனர். இதன்மூலம் கரோனா பாதிப்பில் இருந்து குணமடைந்தவர்களின் எண்ணிக்கை 6,25,773 ஆக உயர்ந்துள்ளது.

இவ்வாறு அதில் குறிப்பிடப்பட்டுள்ளது.