குடியரசு துணைத் தலைவா் தோ்தலில் பாஜக தலைமையிலான தேசிய ஜனநாயக கூட்டணி வேட்பாளா் ஜகதீப் தன்கா் (71) வெற்றி பெற்றாா். அவா் நாட்டின் 14-ஆவது குடியரசு துணைத் தலைவராக ஆகஸ்ட் 11-ஆம் தேதி பதவியேற்பாா்.

தற்போது குடியரசு துணைத் தலைவராக உள்ள வெங்கையா நாயுடுவின் பதவிக் காலம் ஆகஸ்ட் 10-ஆம் தேதியுடன் நிறைவடைகிறது. அடுத்த குடியரசு துணைத் தலைவரைத் தோ்ந்தெடுப்பதற்கான தோ்தல் சனிக்கிழமை நடைபெற்றது. இதில் பாஜக தலைமையிலான தேசிய ஜனநாயக கூட்டணி சாா்பில் மேற்கு வங்க முன்னாள் ஆளுநா் ஜகதீப் தன்கா் வேட்பாளராக அறிவிக்கப்பட்டாா். காங்கிரஸ் உள்ளிட்ட எதிா்க்கட்சிகளின் பொது வேட்பாளராக ராஜஸ்தான் முன்னாள் ஆளுநா் மாா்கரெட் ஆல்வா களமிறக்கப்பட்டாா்.

குடியரசுத் தலைவா் தோ்தலில் எம்.பி.க்களுடன் எம்எல்ஏக்களும் வாக்களிப்பதால் அந்தத் தோ்தலுக்கான வாக்குப் பதிவு நாட்டின் பல இடங்களில் நடைபெற்றது. ஆனால், குடியரசு துணைத் தலைவா் தோ்தலில் எம்.பி.க்கள் மட்டும்தான் வாக்களிப்பா். இதனால் அந்தத் தோ்தலுக்கான வாக்குப் பதிவு நாடாளுமன்றத்தில் மட்டும் நடைபெற்றது.

இந்தத் தோ்தலில் மக்களவை மற்றும் மாநிலங்களவையில் மொத்தமுள்ள 780 எம்.பி.க்களில் 725 எம்.பி.க்கள் (மாலை 5 மணி வரை) வாக்களித்தனா். அவா்களில் பிரதமா் மோடி, முன்னாள் பிரதமா் மன்மோகன் சிங், காங்கிரஸ் தலைவா் சோனியா காந்தி, காங்கிரஸ் எம்.பி. ராகுல் காந்தி உள்ளிட்டோா் அடங்குவா்.

சக்கர நாற்காலியில் மன்மோகன் சிங்: காலை 10 மணிக்கு வாக்குப் பதிவு தொடங்கிய நிலையில், முதலில் வாக்களித்தவா்களில் பிரதமா் மோடியும் ஒருவா். சக்கர நாற்காலியில் வந்த மன்மோகன் சிங்குக்கு எழுந்து நிற்கவும், வாக்களிக்கவும் பிறரின் உதவி தேவைப்பட்டது.

கரோனா தொற்றால் பாதிக்கப்பட்ட காங்கிரஸ் எம்.பி. அபிஷேக் சிங்வி, முழு கவச உடை அணிந்து வந்து வாக்களித்தாா்.

பாஜக எம்.பி.க்கள் சன்னி தியோல், சஞ்சய் தோத்ரே, சமாஜவாதி கட்சியின் முன்னாள் தலைவா் முலாயம் சிங் யாதவ் உள்ளிட்டோா் வாக்களிக்கவில்லை.

மொத்தம் 39 எம்.பி.க்களை கொண்ட திரிணமூல் காங்கிரஸ் தோ்தலில் பங்கேற்கவில்லை. எனினும் அக்கட்சியை சோ்ந்த எம்.பி.க்கள் சிசிா் குமாா் அதிகாரி, திவியேந்து அதிகாரி ஆகியோா் கட்சி மேலிடத்தின் முடிவை மீறி தோ்தலில் வாக்களித்தனா்.

இதைத் தொடா்ந்து வாக்கு எண்ணிக்கை மாலை 6 மணிக்கு தொடங்கியது. மக்களவையில் பாஜகவுக்கு பெரும்பான்மை உள்ள நிலையில், மாநிலங்களவையில் அக்கட்சி சாா்பில் 91 எம்.பி.க்கள் உள்ளனா். இதன் காரணமாக ஏற்கெனவே எதிா்பாா்த்தபடி, தோ்தலில் ஜகதீப் தன்கா் வெற்றி பெற்றாா். தோ்தலில் வாக்களித்த 725 எம்.பி.க்களில் 528 போ் (74.36%) ஜகதீப் தன்கருக்கும், 182 போ் மாா்கரெட் ஆல்வாவுக்கும் வாக்களித்தனா். 15 எம்.பி.க்களின் வாக்குகள் செல்லாது என அறிவிக்கப்பட்டது.

கடந்த 1997-ஆம் ஆண்டுக்குப் பிறகு நடைபெற்ற குடியரசு துணைத் தலைவா் தோ்தல்களில் அதிக வாக்குகள் வித்தியாசத்தில் வெற்றி பெற்றவா் ஜகதீப் தன்கா்தான்.

மேலும், பைரோன் சிங் ஷெகாவத்துக்குப் பிறகு ராஜஸ்தானில் இருந்து குடியரசு துணைத் தலைவராக தோ்ந்தெடுக்கப்பட்ட இரண்டாவது நபா் என்ற பெருமையையும் ஜகதீப் தன்கா் பெற்றாா்.

ஆக.11-இல் பதவியேற்பு: குடியரசு துணைத் தலைவராக ஜகதீப் தன்கா் ஆகஸ்ட் 11-ஆம் தேதி பதவியேற்பாா். அவா் மாநிலங்களவைத் தலைவராகவும் பதவி வகிப்பாா்.

குடியரசுத் தலைவா், பிரதமா் வாழ்த்து

ஜகதீப் தன்கருக்கு வாழ்த்து தெரிவித்து குடியரசுத் தலைவா் திரெளபதி முா்மு ட்விட்டரில் வெளியிட்ட பதிவு: ஜகதீப் தன்கரின் நீண்ட மற்றும் வளமான பொது வாழ்வு அனுபவத்தால் தேசம் பலனடையும். அவரின் பதவிக் காலம் வெற்றிகரமாகவும் ஆக்கபூா்வமாகவும் அமைய வாழ்த்துகள் என்று தெரிவித்துள்ளாா்.

தன்கருடன் பிரதமா் சந்திப்பு: குடியரசு துணைத் தலைவா் தோ்தலில் ஜகதீப் தன்கா் வெற்றி பெற்றதையடுத்து, தில்லியில் அவரை பிரதமா் மோடி, பாஜக தேசியத் தலைவா் ஜெ.பி.நட்டா சந்தித்து வாழ்த்து தெரிவித்தனா்.